top of page
//María Martínez
CATRO GATOS E UNHA RA
Cando xa todos dormen
e sae a lúa a pasear
contan estrelas na noite
catro gatos e unha ra.
Dende o Castelo da Rocha
ata a igrexa catedral
brincan polos tellados
cantándolle ao Nadal.
Foi tal o rebumbio
que os cinco formaron
que as fadas da noite
de súpeto espertaron.
E bailou a lúa
e cantou o galo,
todos sabían a ver
quen andaba nos tellados.
Catro gatos e unha ra
bottom of page